SumgaitLibrary

99418 6520087
   
Onlayn :22 Bu gün : 82 Bu Ay : 4134 Bu İl : 73287 Cəmi : 1680993




Gənclər Kitabxanası
Gənclər Kitabxanası Sumqayıt şəhər MKS-in 4 saylı Gənclər kitabxanası kimi 1969-cu ildə açılmış, 2015-ci ildən Şəhər Gənclər Kitabxanası adı ilə fəaliyyətini davam etdirir. Sahəsi 86 m2-dir. Kütləvi kitabxana olaraq əsasən gənclərə xidmət edir. Gənclər Kitabxanasında kompüterləşdirilmiş infrastruktur qurulmuş, oxucuların internetdən sərbəst istifadəsi təmin olunmuş, kitabxana kompüter, printer və digər avadanlıqlarla təchiz olunmuşdur. Gənclər Kitabxanası öz işini Sumqayıt şəhər Gənclər və İdman Baş İdarəsi, Sumqayıt şəhər Təhsil şöbəsi, “Bilik” maarifçilik cəmiyyəti, lisey, gimnaziya, kollec və məktəblər, H. Ərəblinski adına Sumqayıt Musiqili Dövlət Dram Teatrı, həmçinin klub və mədəniyyət evləri ilə əlaqəli həyata keçirir.
Ünvanı : Ünvan: Azərbaycan prospekti, ev 6, Tel:(018) 645-66-12

Mərkəzi Uşaq Kitabxanası
Sumqayıt şəhər MKS-in Mərkəzi Uşaq Kitabxanası 12 saylı uşaq kitabxana filialı adı ilə 1953-cü ildə açılıb. 1966-cı ildən A.Qaydarın adını daşıyan bu kitabxana sonralar sadəcə 12 saylı uşaq kitabxanası və hazırda Mərkəzi Uşaq Kitabxanası kimi fəaliyyətini davam etdirir. Sahəsi 267 m2-dir. Mərkəzi Uşaq Kitabxanasının əsas məqsədi uşaqlarımızın gələcək həyatına yeni dəyərlər gətirmək, tez-tez dəyişən, inkişaf edən rəngarəng dünyamızda uşaqlarımızın mütaliə aləmini zənginləşdirmək, dünyagörüşünü artırmaq, hər cürə yeniliklərə qarşı onların daha savadlı, daha zəkalı böyüməsinə təkan verməkdir. - 01 Avqust 2005-ci ildə Beynəlxalq Tədqiqatlar və Mübadilələr Şurası (İREX) ilə Mədəniyyət İdarəsi arasında bağlanan müqaviləyə əsasən MKS-in Mərkəzi Uşaq Kitabxanasında İctimai İnternetə çıxış və Təlim Mərkəzi açılmışdır. - 2005-ci ildə isə Mərkəzi Uşaq Kitabxanası Açıq Cəmiyyət İnstitutu - Yardım Fondunun kitabxanalar proqramı çərçivəsində respublika kitabxanaları arasında keçirdiyi müsabiqədə qalib gəlmiş, kompüter dəsti və avadanlıqla mükafatlandırılmışdır. - 2009-cu il noyabrın 13-də Azərbaycan Respublikası Prezidentinin sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nda nəzərdə tutulmuş uşaq kitabxanalarında “Uşaq hüququ” informasiya mərkəzlərinin yaradılması ilə əlaqədar olaraq kitabxanada “Uşaq hüququ” informasiya mərkəzi açılmışdır. - 2009-cu ildə Mərkəzi Uşaq Kitabxanasına yeni proqram-Avtomatlaşdırılmış Kitabxana Sistemi İRBİS–64 kitabxana proqramı alınmış, www.sum-child.az ünvanlı Veb saytı yaradılmışdır. Kitabxanada avtomatlaşdırılmış infrastruktur qurulmuş, fondun, dövrü mətbuatın və oxucuların Proqramın yaddaşına köçürülməsi müntəzəm olaraq davam etdirilir. - 4 may 2011-ci il tarixindən kitabxana Beynəlxalq Elektron Kitabxana və Yeni İnformasiya Texnologiyaları İstifadəçisi və Yaradıcısı Cəmiyyətinin üzvlüyünə qəbul edilmişdir. - Mərkəzi Uşaq Kitabxanasının nəzdində yetkinlik yaşına çatmayan oxucuların komputerden istifadə qaydalarını öyrənməsi, internetdən informasiya axtarışı vərdişlərinə yiyələnməsi işini təmin etmək məqsədilə İnformasiya Resurs Mərkəzi yaradılmışdır. - Mərkəzi Uşaq Kitabxanası dəfələrlə (1999, 2003, 2010, 2012, 2015) Mərkəzləşdirilmiş Kitabxana Sisteminə daxil olan kitabxanalar arasında keçirilən müsabiqələrdə qalib gəlmiş, Sumqayıt şəhər Mədəniyyət və Turizm İdarəsi tərəfindən “İlin ən yaxşı uşaq kitabxana-filialı” nominasiyasına, Fəxri fərmanlara və pul mükafatına layiq görülmüşdür. Kitabxana TET gimnaziya, 1, 5, 8, 9, 10, 11,12,16,18, 34 və 38 saylı tam orta məktəblərinin, şəhərimizdə məskunlaşan Laçın, Cəbrayıl, Zəngilan, Füzuli və Qubadlı rayon məktəblərinin şagird və müəllimlərinə, yaxınlıqdakı mədəniyyət ocaqlarırının əməkdaşlarına, uşaq bağçalarına xidmət edir.
Ünvanı : Ünvan: Azərbaycan prospekti, ev 6. Tel: (018) 645-66-12

N. Gəncəvi adına Kitabxana Klub
N. Gəncəvi adına Kitabxana Klub Sumqayıt şəhər MKS-in Uşaq kitabxana klubu kimi 1988-ci ildən fəaliyyət göstərir. 1991-ci ildən N. Gəncəvinin adını daşıyır. 2015-ci ildən N. Gəncəvi adına Kitabxana Klub kimi fəaliyyətini davam etdirir. Sahəsi 1000 m2-dir. Kitabxana Klub həm böyüklərə, həm də uşaqlara kitabla və dövri nəşrlərlə informasiya xidməti işini həyata keçirməklə yanaşı, onların yaradıcılıq qabiliyyətlərinin üzə çıxarılmasına da yardımçı olur. 2011-ci ildə Kitabxana Klub əsaslı təmir olunaraq yenidən oxucuların istifadəsinə verilmişdir. Kitabxana Klubun bir hissəsi Azərbaycan Yazıçılar Birliyi Sumqayıt şəhər şöbəsinin istifadəsinə verilmişdir. 2013-cü ildə isə MKS-in 1 və 10 saylı kitabxana filialları Kitabxana Kluba birləşdirilmişdir. N. Gəncəvi adına Kitabxana Klubda da kompüterləşdirilmiş infrastruktur qurulmuş, oxucuların internetdən sərbəst istifadəsi üçün ödənişsiz WI-FI zonaları yaradılmış, kitabxana kompüter, printer və digər müasir avadanlıqlarla təchiz olunmuşdur. Kitabxana Klub öz işini 4 saylı poliklinika, Sarıqayada fəaliyyət göstərən Laçın musiqi məktəbi, Texniki kollec, 24, 28, 33, 34, 37 saylı tam orta məktəblərlə, 48 və 64 saylı uşaq bağçaları, Qubadlı orta məktəbi və digər müəssisə və təşkilatlarla əlaqəli quraraq onlarla birgə müxtəlif mövzularda yaddaqalan tədbirlər keçirir.
Ünvanı : Ünvan: 13-cü mkr. ev 56, Tel: (018) 646-01-13

M.Ə. Rəsulzadə adına kitabxana filialı
Sumqayıt şəhər MKS-in M.Ə. Rəsulzadə adına kitabxana filialı 1968-ci ildən fəaliyyət göstərir. 1991-ci ildən M.Ə. Rəsulzadənin adını daşıyır. Sahəsi 227 m2-dir. 2013-cü ildə kitabxana əsaslı təmir olunaraq oxucuların istifadəsinə verilmişdir. Kitabxanada kompüterləşdirilmiş infrastruktur qurulmuş, oxucuların internetdən sərbəst istifadəsi üçün ödənişsiz WI-FI zonaları yaradılmış, kitabxana kompüter, printer və digər müasir avadanlıqlarla təchiz olunmuşdur. Kitabxana öz işini 3, 14, 15, 25 saylı məktəblərlə və Sumqayıtın Tarixi Muzeyi ilə və bir sıra təşkilatlarla əlaqəli həyata keçirir.
Ünvanı : Ünvan: 45-ci məh. Ev 79, Tel: (018) 644-49-38

C. Məmmədquluzadə adına kitabxana filialı
Sumqayıt şəhər MKS-in C. Məmmədquluzadə adına kitabxana filialı 1969-cu ildən fəaliyyət göstərir. Sahəsi 110 m2-dir. Kütləvi kitabxanadır. Mədəniyyət və Turizm İdarəsinin tabeliyindədir. Kitabxanada kompüterləşdirilmiş infrastruktur qurulmuş, oxucuların internetdən sərbəst istifadəsi üçün ödənişsiz WI-FI zonaları yaradılmış, kitabxana kompüter, printer və digər müasir avadanlıqlarla təchiz olunmuşdur. Kitabxana şəhərin 3-cü mikrorayon, 41, 41a, 34, 36 və 76-cı məhəllələrinin sakinlərinə kitabxana-informasiya xidməti işini həyata keçirir. Öz işini 13 saylı tam məktəb və «Təfəkkür» liseyi ilə əlaqəli qurub.
Ünvanı : 3-cü mkr. Ev 19 a, Tel: (018) 645-77-03

Ə. Vahid adına kitabxana filialı
Sumqayıt şəhər MKS-in Ə. Vahid adına kitabxana filialı MKS-nin 9 saylı kitabxana filial kimi 1973-cü ildən fəaliyyət göstərir. 1992-ci ildən Ə. Vahidin adını daşıyır. Sahəsi 134,7 m2-dir. 2015-ci ildən Ə. Vahid adına kitabxana filial adı ilə fəaliyyətini davam etdirir. Kitabxanada kompüterləşdirilmiş infrastruktur qurulmuş, oxucuların internetdən sərbəst istifadəsi üçün ödənişsiz WI-FI zonaları yaradılmış, kitabxana kompüter, printer və digər müasir avadanlıqlarla təchiz olunmuşdur. Şəhərin 5, 6, 9-cu mikrorayonların sakinlərinə kitabla xidmət işini həyata keçirən kitabxana filial öz işini xidmət ərazisində yerləşən 1 saylı musiqi məktəbi, 23, 27, 37 saylı tam orta məktəblərlə əlaqəli qurub.
Ünvanı : 6-cı mkr. Ev 1a, Tel: (018) 644-16-69.

Corat qəsəbə kitabxana filialı
Sumqayıt şəhər MKS-in Corat qəsəbə kitabxana filialı 11 saylı kitabxana filial adı ilə 1958-ci ildə açılıb. 2015-ci ildən Corat qəsəbə kitabxana filialı adı ilə fəaliyyətini davam etdirir. Corat qəsəbəsində 7 saylı tam orta məktəbin nəzdində yerləşən kitabxana filial Corat qəsəbə sakinlərinə, 7 saylı məktəbin müəllim və şagird kollektivinə, qəsəbədə yerləşən Mədəniyyət evi və bir sıra idarə və təşkilatlara xidmət göstərir.
Ünvanı : Corat qəsəbəsi, 7 saylı tam orta məktəb

“Yaşıldərə” yaşayış massivi kitabxana filialı
Sumqayıt şəhər MKS-in “Yaşıldərə” yaşayış massivi kitabxana filialı MKS-in 5 saylı kitabxana filialı adı ilə 1969-cu ildə açılıb. 2015-ci ildən “Yaşıldərə” yaşayış massivi kitabxana filialı kimi fəaliyyətini davam etdirir. Sahəsi 77 m2-dir. Kütləvi kitabxana olaraq oxucuların kitabxanaya cəlb edilməsi, onların dünyagörüşünün formalaşması, vətənə məhəbbət ruhunda tərbiyə edilməsi məqsədilə müxtəlif mövzularda tədbirlər keçirir. 2015-ci ildə cari təmir olunan “Yaşıldərə” yaşayış massivi kitabxanası 10, 11,12-ci mikrorayonların, həmçinin “Yaşıl dərə” yaşayış massivinin sakinlərinə xidmət göstərir. Öz işini xidmət ərazisində yerləşən 21, 30 saylı tam orta məktəblərlə əlaqəli qurub.
Ünvanı : 12-ci mkr. Ev 8, mən. 47. Tel: (018) 64 8-29-07

M.Ə. Sabir adına kitabxana filialı
Sumqayıt şəhər MKS-in M. Ə. Sabir adına kitabxana filialı MKS-nin 14 saylı kitabxana filialı kimi 1978-ci ildə açılan kitabxana 2015-ci ildən Ə. Sabir adına kitabxana filialı adı ilə fəaliyyətini davam etdirir. Sahəsi 127 m2-dir. M. Ə. Sabir adına kitabxana-filialın işlərinin əsas istiqaməti kitabxanaya oxucuların cəlb olunmasına, onlara daha operativ və hərtərəfli xidmət etməkdən ibarət olmuşdur. Kitabxanada kompüterləşdirilmiş infrastruktur qurulmuş, oxucuların internetdən sərbəst istifadəsi üçün ödənişsiz WI-FI zonaları yaradılmış, kitabxana kompüter, printer və digər müasir avadanlıqlarla təchiz olunmuşdur.
Ünvanı : 17-ci mkr, ev 24. Tel: (018) 65-7-51-09

Hacı Zeynalabdin qəsəbə kitabxana filialı
Sumqayıt şəhər MKS-in Hacı Zeynalabdin qəsəbə kitabxana filialı 1981-ci ildə 17 saylı kitabxana filialı kimi açılmış, 2015-ci ildən Hacı Zeynalabdin qəsəbə kitabxana filialı adı ilə fəaliyyətini davam etdirir. Kitabxana filialı yaşından və təbəqəsindən asılı olmayaraq bütün qəsəbə sakinlərinə, həmçinin 6, 9, 32, 40 saylı tam orta məktəblərin, qəsəbədə fəaliyyətini davam etdirən Laçın rayon məktəbinin, Ə.Bakıxanov adına Uşaq İncəsənət Məktəbinin müəllim və şagirdlərinə və qəsəbədə fəaliyyət göstərən bir sıra idarələrin əməkdaşlarına xidmət göstərir. Sahəsi 77,3 m2-dir.
Ünvanı : Hacı Zeynalabdin qəsəbəsi, Ə. Bakıxanov adına 3 saylı musiqi məktəbi.